İpəkqurdunun bəslənməsi - 3-cü hissə (ipəyin sarınması mərhələsi)

Salam, əziz izləyicilər. Artıq ipəkqurdları barama sarımağa başlayıblar. Bəziləri ipək sarımağa təzə başlayıb, bəzilərinin baraması demək olar ki, hazırdır, bəziləri isə hələ də yarpaq yeməklə məşğuldurlar. Odur ki, onlara yarpaq verərkən ehtiyyatlı olmaq lazımdır. Yaxşı olar ki, bu dövrdə onların üzərinə plastik tor, quru otlardan hazırlanmış bugetlər düzülsün ki, barama sarımağa hazır olan qurdlar bu otlara və ya tora çıxaraq, öz işlərini rahat görsünlər. Plastik torun üstünlüyü odur ki, barama quru yarpaq qırıntılarına və baramaların ifrazatlarına bulaşmır, təmiz olur. Həmçinin, qurdlar çətinlik çəkmirlər. Plastik toru istifadə etmək də asandır. Tor əvəzinə qalın kağızdan və ya həsirdən hazırlanmış şəbəkələrdən də istifadə edə bilərsiniz. Quru otlar ən ucuz variantdır. Bunu da etməsəniz, qurdlar baramanı tut budaqlarının arasında sarıyacaq ki, bu zaman da onları ayırmaq və təmizləmək çətin olacaq. Bulaşıq baramalar ikinci, üçüncü dərəcəli baramalara aid edilərək, ucuz qiymətə alına bilər. Bu videoda daha böyük halda olan ipəkqurdları üçün hazırlanan rəfləri və məkanı da göstərməyə çalışmışıq.